وايد منتشر بالسوشل ميديا مصطلح ( gas lighting ) و عشان جذي حبيت اوضح معنى هذا المفهوم و نقاط اساسيه متعلقه فيه …
gas lighting هو شكل من أشكال التلاعب والسيطرة العاطفية يقوم فيه شخص تجاه شخص اخر يعطيه معلومات غير صحيحه تشككه بنفسه و بمفاهيمه و يقعد يتسائل هل هالشي صحيح او غير صحيح …
الضحيه يوصل لمرحلة من التشكيك المستمر في ذاكرته و قدراته الفكريه و في بعض الاحيان عقله بالمختصر يبدا يشك ان يتوهم …
غالبا اكثر ضحايا للشخص المتلاعب هم الاشخاص المرتبطين معاهم في علاقه غير صحيه و عندهم مشاكل في تقدير و احترامهم لذاتهم .. و مع الوقت يصدقون كل شي يقوله لهم المتلاعب ..
و ممكن يكون صعب نتعرف الى الوضع و نفهم اذا الشخص الثاني يستعمل هذي الحيله علينا او لا و لكن !
اذا في شخص دايما يحسسك بأنك غير منطقي ، غير صالح ، متوهم او مرتبك وان كل اللي تحس فيه او مريت فيه او تواجهه هو غير صحيح او غير حقيقي ممكن تكون هذه هي العلامة اللي تبحث عنها …و خصوصا اذا العلاقة ما كانت متوازنه بحيث احد الطرفين مسيطر فيها على الثاني .
في علامات ممكن تساعدك تعرف اذا في شخص متلاعب بحياتك و يمارس عليك الحيل :
– شخص يكذب باستمرار ، حتى بالأشياء الصغيرة
– دايما يحسسك انه احسن منك او متفوق عليك
– يخليك تحس كأنك “ غبي” أو “ما تفهم “
– غالبًا يقول أشياء مثل “أنت مجنون” أو “أنت حساس جدًا”
– يحاول يقنعك بأنك سويت أشياء أو قلت أشياء تعرف أنك ما سويتها اصلا
– يحاول يقنعك بأنه ما سوا او قال شي انت تدري ان سواه و قاله …
في بحياتكم شخص من هالنوع ؟ شلون تعاملتوا معاه ؟
——————————
الكل يحتاج لاستشاره و التوجيه 💫
سواء كانت استشاره شخصية او زوجيه .. نساعدج على حلها و التخلص من مشاكل الحياه🌷
نبني معاج افكار جديده تنقلج الى السعاده 💯💯
بكل حب و امتنان للاستشاره الشخصية التواصل من خلال الواتسب :
00965 – 99111526
#تنمية_بشرية
#تنمية_الذات
#تطوير_الذات
#علاقات
#علاقات_زوجية
#استشارات_اسرية
#علاقات_عاطفية
#مدرب_حياة
#زواج#صداقة#الكويت
#lifecoach
#حب#فراق#خذلان#عروس#طلاق#استشاره#قلق#محبة#زوج#زوجة#قطر#الكويت#الامارات#مشاكل#نرجسيه#