Ladki Bahin Yojana: ‘मुख्यमंत्री लाडकी बहीण योजने’साठी यंदाच्या अर्थसंकल्पात सरकारनं ३६ हजार कोटींची तरतूद केली आहे. पण सर्वाधिक धक्कादायक बाब म्हणजे सरकारनं या योजनेतील लाभार्थ्यांना पैसे वाटण्यासाठी आदिवासी विभाग आणि समाज कल्याण विभागाचा एकूण ७ हजार कोटी रुपयांचा निधी वळवला आहे. सर्वात कहर म्हणजे या विभागाचे मंत्री आणि अधिकाऱ्यांनी याला विरोध दर्शवलेला असताना त्यांची विनंती धुडकावण्यात आली आहे.
मुख्यमंत्री लाडकी बहीण योजनेचा फेब्रुवारी आणि मार्चचा हप्ता खास आंतरराष्ट्रीय महिला दिनी लाभार्थी महिलांच्या बँक खात्यात जमा होणार होते. मात्र, फक्त फेब्रुवारी महिन्याचा हप्ता जमा झाल्यामुळे महिला नाराज झाल्या आहेत. लाभार्थी महिलांच्या बँक खात्यात फेब्रुवारी महिन्याचा हप्ता जमा झाला आहे. दरम्यान, मार्चचा हप्ता कधी जमा होणार? याच्या प्रतिक्षेत आता लाडक्या बहिणी आहेत.
महिला व बालविकास मंत्री अदिती तटकरे यांनी आंतरराष्ट्रीय महिला दिनी फेब्रुवारी आणि मार्च या दोन्ही महिन्यांचा हप्ता बँक खात्यात जमा होईल, अशी माहिती दिली होती. मात्र, फक्त १५०० रूपये जमा झाल्यामुळे लाभार्थी महिला निराश असल्याची माहिती आहे.
Ladki Bahin Yojana latest updates: मुख्यमंत्री माझी लाडकी बहीण (Mukhyamantri Majhi Ladki Bahin) ही महायुती सरकारची अत्यंत महत्त्वाकांक्षी योजना आहे. या योजनेमुळेच महायुतीला विधानसभा निवडणूक 2024 मध्ये महाविजय मिळाल्याचं बोललं जात आहे. पण पुन्हा सत्तेत आल्यावर सरकारने आता लाडक्या बहिणींच्या अर्जांची पडताळणी करण्याचा निर्णय घेतला. काही महिला योनजेच्या निकषात बसत नसतानाही लाभ घेत असल्याने अर्जांची पडताळणी करण्यात येत आहे. पण आता या अर्ज पडताळणीला ब्रेक लागल्याचं वृत्त समोर आलं आहे.
या योजनेच्या अटी शर्तीनुसार लाभार्थी महिलांसाठीची पात्रता आणि अपात्रता ठरवण्यात आली आहे. त्याच निकषांनुसार अर्जांची छाननी करण्यात येत आहे. योजनेच्या निकषांनुसार, अर्ज केलेल्या महिलेकडे सक्षम प्राधिकारी यांनी दिलेला कुटुंब प्रमुखाचा उत्पन्नाचा दाखला (वार्षिक उत्पन्न 2.50 लाख रुपयांपर्यंत असणे अनिवार्य) असणे आवश्यक आहे. मात्र, काही महिलांचे उत्पन्न यापेक्षा अधिक असतानाही योजनेचा लाभ घेत आहेत. त्यामुळे अर्जांची छाननी करण्यात येत आहे.
महिलांच्या उत्पन्नाची माहिती मिळवण्यासाठी आयकर विभागाकडे राज्य सरकारने माहिती मागितली होती. मात्र, आयकर विभागाने ही माहिती अद्याप दिली नाहीये. तसेच आयकर विभागाने ही माहिती देण्यास असहकार दर्शवल्याचंही वृत्त समोर आलं आहे. त्यामुळेच लाडक्या बहिणींच्या अर्जांची छाननी रखडली असल्याचं वृत्त एबीपी माझा वृत्तवाहिनीने दिलं आहे.
मिळालेल्या माहितीनुसार, राज्य सरकारने लाडक्या बहिणींच्या उत्पन्नाबाबत आयकर विभागाकडे मागितलेली माहिती लवकरच मिळणार असल्याचं बोललं जात आहे. ही माहिती मिळाल्यावर महिलांच्या अर्जांची छाननी सुरू होणार आहे.
महिला व बालविकास मंत्री अदिती तटकरे यांनी काही दिवसांपूर्वी योजनेबाबत माहिती देताना म्हणाल्या की, ही योजना 21 ते 65 वयोगटातील महिलांसाठी लागू आहे, त्यामुळे 65 वर्षे पूर्ण करणाऱ्या महिलांचा लाभ दर महिन्याला बंद होतो. यामुळे लाभार्थ्यांची संख्या नियमितपणे बदलत असते. सध्या सुमारे 1.20 लाख महिलांनी वयोमर्यादा ओलांडल्यामुळे त्या योजनेतून बाद झाल्या आहेत. त्याचप्रमाणे, विवाहानंतर इतर राज्यांत स्थायिक झालेल्या महिलांचाही योजनेंतर्गत विचार केला जात नाही. राज्यातील जवळपास अडीच कोटी महिलांना या योजनेचा लाभ मिळत असून, महिलांच्या जीवनात सकारात्मक बदल घडून आला आहे. यामुळे महिलांकडून सरकारचे अभिनंदन केले जात आहे.
Ladki Bahin Yojana : मुख्यमंत्री लाडकी बहीण योजनेचे पैसे कधी मिळणार? असा प्रश्न राज्यातील महिलांकडून सातत्याने विचारला जात होता. आता याबाबत एक मोठी माहिती समोर आली आहे. राज्याच्या महिला व बालविकास मंत्री आदिती तटकरे यांनी सांगितले की, फेब्रुवारी आणि मार्च महिन्याचे प्रत्येकी 1500 रुपयांप्रमाणे 3000 रुपये एकत्रच लाडक्या बहिणींच्या खात्यात जमा केले जाणार आहेत.
अनेक दिवसांपासून फेब्रुवारीचे पैसे कधी मिळणार, असा प्रश्न राज्यातील महिलांकडून विचारला जात होता. आता आंतरराष्ट्रीय महिला दिनाच्या निमित्ताने राज्यातील महायुती सरकारने फेब्रुवारीसोबतच मार्च महिन्याचा हप्ताही लवकर देण्याचा निर्णय घेतला आहे.
लाडक्या बहिणींना महिला दिनाची भेट !
महिला दिनाच्या पूर्वसंध्येला मुख्यमंत्री माझी लाडकी बहीण योजनेतील सर्व पात्र लाभार्थ्यांना फेब्रुवारी व मार्च महिन्याचा लाभ दिला जाणार आहे.
७ मार्च २०२५ पर्यंत सर्व पात्र लाभार्थ्यांच्या बँक खात्यात दोन महिन्यांचा सन्मान निधी ३००० रुपये जमा… pic.twitter.com/37HlfDfPWF
— Aditi S Tatkare (@iAditiTatkare) March 4, 2025
मंत्री आदिती तटकरे यांनी महिला दिनाच्या पूर्वसंध्येला मुख्यमंत्री माझी लाडकी बहीण योजनेतील सर्व पात्र लाभार्थ्यांना फेब्रुवारी व मार्च महिन्याचा लाभ दिला जाणार असल्याची माहिती दिली. 7 मार्च 2025 पर्यंत सर्व पात्र लाभार्थ्यांच्या बँक खात्यात दोन महिन्यांचा सन्मान निधी जमा करण्यात येणार आहे. सोशल मीडिया प्लॅटफॉर्म एक्सवर पोस्ट करुन आदिती तटकरेंनी ही माहिती दिली आहे.
लाडक्या बहिणींची संख्या घटली
लाडकी बहीण योजनेत डिसेंबर महिन्यात 2 कोटी 46 लाख महिलांना 1500 रुपये मिळाले होते. तर, जानेवारी महिन्यात लाडक्या बहिणींची संख्या 5 लाखांनी घटून 2 कोटी 41 लाख इतकी झाली होती. लाडकी बहीण योजनेतील लाभार्थी महिलांच्या पात्रतेची पडताळणी सुरू केल्यानंतर यामध्ये साधारणपणे 9 लाखांची घट झाल्याची माहिती आहे.
विधानसभा निवडणुकीच्या काळात सुरू करण्यात आलेली “लाडकी बहिण योजना” यामध्ये महिलांच्या खात्यात दरमहा १५०० रुपये दिले जात होते. सत्तेवर आल्यानंतर महायुती सरकारने या योजनेत १५०० रुपयांच्या ऐवजी २१०० रुपये देण्याचे आश्वासन दिले होते. परंतु, आता याबाबत एक माहिती समोर येत आहे की, १५०० रुपयांच्या ऐवजी महिलांना फक्त ५०० रुपये मिळणार असल्याचे सांगितले जात आहे. तर, नेमकं काय घडत आहे? याबाबत अधिक माहिती जाणून घेऊया.
लाडक्या बहिणींच्या २१०० रुपयांबाबत संभ्रम
लाडकी बहीण योजनेत २१०० रुपये मिळणार की नाही याबाबत आता संभ्रम निर्माण झाला आहे. लाडकी बहीण योजनेबाबत विधानसभेत आदिती तटकरेंनी मोठं विधान केलं होतं. लाडक्या बहिणींना यावर्षी २१०० रुपये देऊ, अशी कोणतीही घोषणा आम्ही केली नव्हती. जाहीरनामा हा पाच वर्षांसाठी असतो, असं त्या म्हणाल्या होत्या. त्यामुळे यंदाच्या अर्थसंकल्पात २१०० रुपये मिळण्याची शक्यता कमी आहे.
Maharashtra Ladki Bahin Yojana: ‘मुख्यमंत्री – माझी लाडकी बहीण’ योजना ही महायुती सरकारची अत्यंत महत्त्वाकांक्षी अशी योजना आहे. या योजनेच्या माध्यमातून पात्र महिलांना दरमहा 1500 रुपये देण्यात येतात. तसेच अर्थसंकल्पीय अधिवेशनात लाडक्या बहिणींना देण्यात येणाऱ्या रकमेत वाढ करुन 2100 रुपये करण्याचा विचार केला जाईल असे महायुती सरकारने सांगितलं होतं. मात्र, अर्थशंकल्पात 2100 रुपयांच्या संदर्भात कोणताही घोषणा झाली नाही. उलट निकषांच्या आधारे महिलांना अपात्र ठरवण्यास सुरुवात झाली. तसेच फेब्रुवारी महिन्याचा हप्ता मिळण्यास मार्च उजाडला. विरोधक आधीपासूनच ही योजना बंद होणार असल्याचं बोलत असतानाच आता महायुती सरकारमधील मंत्र्याने योजनेबाबत मोठं विधान केलं आहे.
लाडकी बहीण योजनाच बंद केली तर दुसऱ्या योजना सुरू करता येतील असे विधान काही दिवसांपूर्वी शिवसेनेचे नेते रामदास कदम यांनी केलं होतं. त्यानंतर आता महायुती सरकारमधील क्रीडा मंत्री दत्तात्रय भरणे यांनी लाडकी बहीण योनजेममुळे सरकारी तिजोरीवर भार असल्याचं म्हटलं आहे.
लाडकी बहीण योजनेमुळे शासकीय तिजोरीवर ताण आहे. हे मान्यच केलं पाहिजे. त्यामुळे थोडी पत्र द्याची कमी करा. निधी कुठून, कसा आणि केव्हा आणायचा हे मला चांगलंच माहिती आहे.
शिवसेनेचे नेते रामदास कदम यांनी म्हटलं होतं की, आंथरुण पाहूनच पाय पसरावे लागतात. आज आपण लाडक्या बहीण योजनेचं बजेट पाहिलं तर 30 हजार कोटींपेक्षा जास्त आहे. या सर्व गोष्टी डोळ्यासमोर ठेवून आपल्याला विकासाची वाटलाच करायची आहे. एक लाडकी बहीण योनजा बंद केली तर आणखी 10 योजना आपल्याला सुरू करता येतील.
‘मुख्यमंत्री माझी लाडकी बहीण योजना’ पुढच्या कालावधीमध्येही यशस्वीरित्या राबवण्याचे आणि चालू ठेवण्याची शासनाची भूमिका आहे. पात्र लाभार्थी महिलांवर अन्याय होऊ देणार नाही, लाडक्या बहिणींना 2100 रुपयांचा हप्ता देण्याबाबत योग्य तो निर्णय घेतला जाईल, अशी ग्वाही महिला व बालविकास मंत्री आदिती तटकरे यांनी विधानसभेत विभागाच्या पुरवणी मागण्यांवरील चर्चेला उत्तर देताना दिली.
‘मुख्यमंत्री माझी लाडकी बहीण योजना’ बंद होणार नसल्याचा पुनरुच्चार मुख्यमंत्री देवेंद्र फडणवीस यांनी केला. लाडक्या बहिणींनी दिलेल्या भक्कम पाठिंब्याबद्दल त्यांनी कृतज्ञता व्यक्त केली. पुण्यश्लोक अहिल्यादेवी होळकर यांनी कल्याणकारी राज्याची निर्मिती केली. महिलांच्या सशक्तीकरणासाठी महिलांचे कल्याण आणि विकास हेच राज्य शासनाचे सर्वोच्च प्राधान्य राहील, असे मुख्यमंत्री देवेंद्र फडणवीस यांनी काही दिवसांपूर्वी विधानसभेत सांगितले.
